Wakuu wa Idar na Vitengo wametakiwa kuacha upendeleo kwa watumishi wasiowajibika kazini

Posted on: March 20th, 2023

Mkurugenzi wa Halmashauri ya Mji Newala Bi. Shamim Mwariko amewataka wakuu wa idara na vitengo kuacha upendeleo wakati wakufanya mapendekezo ya wafanyakazi mahiri na kuachana na tabia ya kupeana zamu.

Ameyasema hayo  wakati anaongea na wakuu hao Ofisi kwake ambapo amewaeleza uzoefu unaonyesha kwasasa ipo tabia ya upendeleo au upangaji wa zamu za kuchagua mfanyazi bora kwenye idara na vitengo pasipo kuangalia uhalisia wa umahiri wa mtu katika utendaji kazi.

Mkurugenzi Mwariko amesema hali hiyo inawavunja moyo wale wanaojituma katika kutekeleza majukumu yao na kusababisha mdondoko wa ufanyaji kazi kwa inaondoa hali ya kujituma kwa wale wenye bidii kazini na wazembe kuona hakuna sababu ya kubadilika.

“Haipendezi na haina maana kama kuna watu watakua wanajituma katika kufanya kazi na unapofika muda wa kupongeza kwenye utendaji watu munapanga zamu ya kupeana zawadi hii inavunja moyo wa mfanyakazi kujituma lakini pia inaduma huduma zinazotolewa katika taasisi tafadhali tusinye hivyo”. Alieleza Mkurugenzi

Baadi ya Wakuu wa idara waliochangia jambo hilo wamepokea ushauri huo kama jibu sahihi la kuinua hari ya kujituma kwa watumishi katika majukumu yao ya kila siku nan i matarajio yao kuwa sasa kila mmoja ataona thamani ya kazi inayoifanya tofauti na hapo awali.